Búgin, 17 shildede, Almatyda sot sheshimi boıynsha zańsyz qosymsha qurylysty buzý jumystary bastaldy, dep habarlaıdy infohub.kz saıty.
Almaty qalalyq qala qurylysy baqylaý basqarmasynyń málimetinshe, Rozybakıev kóshesi, 249/1 úıindegi qosymsha qurylys buzylady. Jospardan tys tekserý barysynda menshik ıesiniń ruqsat qujattarynsyz qurylys salǵany anyqtalǵan.
«Menshik ıesine qatysty ákimshilik sharalar qoldanylyp, buzýshylyqtardy joıý týraly nusqama berildi. Odan keıin materıaldar sotqa joldandy. Ákimshilik quqyq buzýshylyqtar jónindegi mamandandyrylǵan aýdanaralyq sottyń qaýlysymen qosymsha qurylys buzylýǵa tıis», — dep túsindirdi basqarmadan.
Nysandy buzý búgin qalalyq Ádilet departamentiniń sot oryndaýshylarynyń qatysýymen bastaldy.