2026 jyldyń basynan beri Almatyda polıseıler 430-tan astam páterde jaqyndyq qyzmeti kórsetilgenin anyqtady. Reıdter nátıjesinde páter ıeleri ákimshilik jaýapkershilikke tartylyp, qyzmet kórsetýshiler esepke alyndy, dep habarlaıdy infohub.kz.
KTK telearnasynyń málimetinshe, Almatydaǵy jaldamaly páterlerge reıdter turaqty túrde júrgiziledi. Polıseıler mekenjaılardy qyzdardyń telefon nómirleri kórsetilgen habarlandyrý saıttary arqyly tabady. Kóbinese osyndaı úıler týraly kórshiler habarlaıdy.
«Qyzmetkerler» «jumysty» ınternetten tapqanyn jáne bıznes uıymdastyrýshylaryn eshqashan kórmegenin aıtady. Qyzmet qunyn jasyrmaıdy: bir mekemede ortasha chek 55 myń teńgeden bastalyp, tipti bólip tóleýge de bolady.
«Biz bul jumysty turaqty negizde júrgizip kelemiz. Jyl basynan beri osyndaı 430-ǵa jýyq úı-jaı anyqtaldy, olardyń ıeleri 450-bap boıynsha ákimshilik jaýapkershilikke tartylyp, 100 AEK (432 myń teńgeden astam) kóleminde aıyppul salyndy», — dedi Almaty qalalyq polısıa departamentiniń Qoǵamdyq qaýipsizdik basqarmasynyń bastyǵy Tımýr Noǵaıbaev.
Sonymen qatar, osyndaı mekemelerdiń 750 qyzmetkeri esepke alyndy.