Almatyda jappaı elektr qýatynyń óshýi sý berilýinde problemalar týǵyzdy. «Almaty Sý» kompanıasynyń habarlaýynsha, sorǵy stansıalary elektr qýaty bolmaǵandyqtan ýaqytsha toqtap qalýy múmkin. Qala turǵyndary, ásirese ǵımarattardyń joǵarǵy qabattarynda, sýdyń ýaqytsha joqtyǵyn habarlap jatyr, dep habarlaıdy infohub.kz.
Kompanıada sorǵy jabdyqtarynyń elektrmen jabdyqtaýǵa tikeleı táýeldi ekenin túsindirdi. Jaryq óshken kezde stansıalar qalypty rejımde jumys isteı almaıdy, bul qysymnyń tómendeýine jáne jekelegen úıler men shaǵyn aýdandarda sýdyń ýaqytsha bolmaýyna ákeledi. Elektr qýaty qalpyna keltirilgennen keıin sý berilý birtindep qaıta jandanady.
İri aqaý 14 tamyzda saǵat 14:38-de boldy. «Alataý Jaryq Kompanıasy» KEGOC-qa tıesili 500 kV kerneýdegi úsh áýe elektr jelisiniń avarıalyq túrde óshirilgenin habarlady. Jelilerde avarıaǵa qarsy avtomatıka iske qosylyp, óshirilgen júkteme kólemi 300 MVt qurady.
Óshirýler Almatynyń Bostandyq, Naýryzbaı, Áýezov jáne Alataý aýdandaryn, sondaı-aq Almaty oblysynyń Jambyl, Balqash, Esik jáne basqa da birqatar aýdandaryn qamtydy.