16 qazanda Almatydaǵy Jasyl bazarda ZVUK FESTIVAL keshi ótedi. Jibek joly dańǵylyndaǵy bazardyń bas pavılony bir túnge bı alańyna aınalady. İs-shara Shyǵys pen Uly Jibek jolyna arnalady. Laınapta Túrkıa, Iran, Qytaı jáne Qazaqstannan elektrondy mýzyka oryndaýshylary jınalady, dep habarlaıdy infohub.kz.
Keshtiń hedlaıneri — CEM, túrik tekti dıdjeı, Berlındegi Herrensauna tehno-qaýymdastyǵynyń negizin qalaýshy ári rezıdenty. Sonymen qatar, Almatyda alǵash ret ırandyq dıdjeı MSIYAN men qytaılyq ártis LIUYANG óner kórsetedi. Laınapta sondaı-aq Nazira feat. SAMRATTAMA, Almaty Tüni: Arsen Superfly b2b Bismildin, E.T. b2b AKEE jáne Milktea b2b APOLLA bar.
İs-sharanyń bastalýy 20:00-ge josparlanǵan. Bıletterdi Freedom Ticketon platformasynan satyp alýǵa bolady.
Buǵan deıin Kursiv LifeStyle Jasyl bazardyń keń aýqymdy rekonstrýksıaǵa deıingi fotoreportajyn jarıalaǵan bolatyn. Eske salaıyq, 2026 jyldyń aqpan aıynda Almatydaǵy áıgili bazar 2028 jylǵa qaraı jańa kelbetke ıe bolatyny belgili boldy. Joba boıynsha, jańartylǵan Jasyl bazar qalanyń eski ortalyǵynyń ansambliniń bóligine aınalýy tıis. Bazardyń dál qarsysynda Radisson Turkistan bıznes-klass apart-oteli salynyp jatyr, al qańtar aıynda Pýshkın kóshesinde jaıaý júrginshiler aımaǵy resmı túrde ashyldy.