Almatyda qutqarýshylar jeke úılerdiń órtenip ketýine jol bermedi: keshe ońtústik astanada órt shyqty, dep habarlaıdy infohub.kz saıty.
Oqıǵa Jetisý aýdanyndaǵy Kemel shaǵynaýdanynda boldy – jeke úıdiń shatyry órtendi. Oqıǵa ornyna TJM órt sóndirý brıgadalary jedel jiberildi.
Tyǵyz qurylys saldarynan órttiń kórshi turǵyn úılerge aýysý qaýpi bolǵan.
«Órt sóndirýshiler bir ýaqytta órtti sóndirip, jaqyn mańdaǵy ǵımarattardy qorǵady. Ottyń taralýyna jol berilmedi. Qutqarýshylar úıdiń ishki bólmeleriniń kúıip ketýin boldyrmady», – delingen TJM habarlamasynda.
Órt sóndirildi. Zardap shekkender joq.
«TJM órt qaýipsizdigi talaptaryn saqtaý qajettigin jáne tótenshe jaǵdaılar týraly 112 nómirine dereý habarlaýdy eskertedi», – dedi qutqarýshylar.