Almaty qalasynyń energetıka jáne sýmen jabdyqtaý basqarmasy JEO-2-ni gazǵa kóshirý jumystarynyń 2026 jyldyń sońyna deıin aıaqtalýyna qatysty pikir bildirdi, dep habarlaıdy infohub.kz.
Almaty qalasy energetıka jáne sýmen jabdyqtaý basqarmasynyń jylýmen jáne gazben jabdyqtaý bóliminiń basshysy Nurlan Ábdýálı Óńirlik komýnıkasıalar qyzmetinde ótken brıfıńte JEO-2-degi jumystar qatań keste boıynsha júrip jatqanyn málimdedi. Onyń aıtýynsha, barlyq qajetti jabdyqtar nysanǵa jetkizilip, qazirgi ýaqytta montajdaý jumystary júrgizilýde. Spiker jańa stansıany gazǵa kóshirý arqyly iske qosý aǵymdaǵy jyldyń sońyna deıin josparlanǵanyn atap ótti.
Al JEO-3-ke keler bolsaq, Ábdýálıdiń aıtýynsha, ol Almaty oblysynyń aýmaǵynda ornalasqan jáne oblys ákimdiginiń qaramaǵynda. Ol bul stansıanyń Almaty qalasyn jylýmen qamtamasyz etýge qatysy joq ekenin túsindirdi.
Eske sala keteıik, 2020 jyldyń qazan aıynda Almatydaǵy barlyq JEO-ny gazǵa kóshirý josparlanyp otyrǵany habarlanǵan bolatyn. Sondaı-aq, qalalyq JEO-lardy gazǵa kóshirý jumystary 2026 jyldyń sońyna deıin aıaqtalýy tıis ekendigi belgili boldy.