28 qyrkúıekte tańerteń Almaty turǵyndary jer asty dúmpýin sezip, telefondaryna jer silkinisi týraly ulttyq habarlama aldy. Al Tótenshe jaǵdaılar mınıstrligi qalada tirkelgen seısmıkalyq oqıǵa sezilmegenin málimdedi, dep habarlaıdy infohub.kz saıty.
Qazaqstan TJM «NNSSNI» JSHS derekterine sáıkes, seısmıkalyq oqıǵa 28 qyrkúıekte Astana ýaqytymen 06:32-de Qazaqstan aýmaǵynda tirkelgen.
«Almaty qalasynda sezilmedi. Jer silkinisine baılanysty oqıǵalar men ótinishter Almaty qalasynyń TJD-nyń 112 jáne 101 nómirlerine túsken joq», — dep habarlady TJM «Kýrsıvtiń» saýalyna jaýap retinde.
Alaıda áleýmettik jelilerdegi habarlamalarǵa qaraǵanda, keıbir qoldanýshylar dúmpýdi sezgenin aıtady.
Sonymen qatar áleýmettik jelilerde Almaty mektepteriniń biriniń janynda adamdardyń kóshede turǵan sýretteri paıda boldy. Jarıalanym avtorlarynyń aıtýynsha, ǵımaratta evakýasıa júrgizilgen. Evakýasıanyń tańǵy seısmıkalyq oqıǵaǵa qatysy bar-joǵy týraly resmı rastaý jarıalanǵan ýaqytta joq.
Ulttyq habarlamada turǵyndardy jer silkinisi týraly eskertip, qosymsha nusqaýlarǵa deıin ashyq keńistikte bolýlaryn surady.
«Nazarlaryńyzǵa! Jer silkinisi boldy. Qosymsha nusqaýlarǵa deıin ashyq keńistikte bolyńyzdar. Ǵımarattyń zaqymdalǵanyn nemese órt shyqqanyn baıqasańyzdar, Tótenshe jaǵdaılar departamentiniń jedel jelisine (279-22-32) habarlasýlaryńyzdy suraımyz», — delingen habarlamada.
Ǵımarat ishinde qamalyp qalǵandarǵa sabyr saqtap, óz ornalasqan jerlerin habarlaýǵa keńes berildi. Qosymsha aqparatty Almaty TJD jáne ákimdiginiń resmı resýrstarynan qadaǵalaýdy surady.
Keıinirek Almaty TJD Josparlaý jáne jedel basqarý ortalyǵynyń kezekshi bóliminiń bastyǵy Ergen Batpasov seısmologtar epısentr men qarqyndylyq týraly derekterdi anyqtap jatqanyn habarlady.
«Tıisti memlekettik organdar habardar etildi. Aqparat tolyqtyrylýda. Sabyr saqtap, úreıge boı almaýlaryńyzdy suraımyz», — dedi ol.
TJD sondaı-aq jaǵdaıdyń baqylaýda ekenin qosty.