2026 jyldyń basynan beri Almatyda 3,5 myń jol-kólik oqıǵasy tirkeldi. Apattarǵa negizinen qarsy jolaqqa shyǵý, jyldamdyqty asyrý, manevr jasaý erejelerin buzý, apattyq jaǵdaı týǵyzý, jol belgileri men syzyqtaryn saqtamaý, sondaı-aq mas kúıde kólik júrgizý sebep bolǵan. Bul týraly infohub.kz saıty habarlaıdy.
Bul týraly Óńirlik komýnıkasıalar qyzmetindegi brıfıńte Almaty polısıa departamentiniń resmı ókili Saltanat Ázirbek aıtty. Onyń aıtýynsha, jyl basynan beri qalada 1300 mas júrgizýshi ustalyp, kólik júrgizýden shettetildi. Jalpy 1700 adam ákimshilik qamaýǵa alyndy – olardyń qatarynda mas kúıde kólik júrgizgender men qos tutas syzyqty kesip ótkender bar.