Almaty qalalyq polısıa departamentiniń resmı ókili Saltanat Ázirbek RSK brıfıńinde jol qozǵalysy erejeleriniń buzylýy týraly habarlaǵan turǵyndarǵa syıaqy qarastyrylǵan ba degen suraqqa jaýap berdi, — dep habarlaıdy infohub.kz saıty.
«Zań júzinde bul norma áli bekitilmegen, biraq biz mundaı azamattarǵa olardyń belsendi azamattyq ustanymy úshin sheksiz alǵys bildiremiz. Bul adamnyń ózi turatyn qaladaǵy qaýipsizdikke beı-jaı qaramaıtynyn bildiredi. Barlyǵy osy úlgige erýi óte mańyzdy. Keıde, árıne, kúlkili jaǵdaılarǵa da jetedi. Biraq árbir jaǵdaıdy jeke-jeke anyqtaǵan durys», — dedi Ázirbek.
Ol sondaı-aq ótinish berýdiń kóptegen resýrstary bar ekenin eske saldy — tek 102 nómirine qońyraý shalý ǵana emes, sonymen qatar buzýshylyqty sýretke túsirip, ony E-otinish servısi arqyly onlaın jiberý múmkindigi de bar. Sonymen qatar, Almaty polısıasy jaqyn arada azamattardyń yńǵaılylyǵy úshin biryńǵaı nómir iske qosady, oǵan táýlik boıy jol erejesin buzý týraly ǵana emes, sonymen qatar kúdikti adamdar týraly da habarlaýǵa bolady.
«Biryńǵaı nómir bir apta ishinde iske qosylady», — dep naqtylady megapolıstiń polısıasy. Syıaqyǵa qatysty departament ókili: «Mundaı norma bekitilmegen, biraq damyǵan elderdegideı bolǵanyn qalaımyn», — dep qosty.
Eske sala keteıik, Astanada ákimdiktiń qaýlysy boıynsha ákimshilik buzýshylyqtar týraly aqparat úshin syıaqy mólsheri 20 AEK-ke deıin — bul 86 500 teńge.