19 jastaǵy Almaty turǵyny beınege túsirilip, áleýmettik jelilerde jarıalanǵan tártipsiz júrgizýi úshin bes táýlikke qamaýǵa alyndy, dep habarlaıdy infohub.kz.
Almaty qalasy polısıa departamentiniń qyzmetkerleri ınternet keńistigin baqylaý barysynda Mercedes avtokóliginiń júrgizýshisi jol qozǵalysy erejelerin ashyq túrde buzǵan beınejazbany anyqtady. Buzýshynyń jeke basy anyqtalyp, ol 19 jastaǵy qala turǵyny bolyp shyqty.
Polısıanyń aıtýynsha, «jas jigittiń kólik júrgizý quqyǵy joq ekeni anyqtaldy. Osy buzýshylyǵy úshin ol ákimshilik jaýapkershilikke tartyldy. Sonymen qatar, ashyq túrdegi tártipsiz minez-qulyq pen qoǵamdyq tártipti buzǵany úshin júrgizýshi polısıaǵa jetkizilip, Almaty qalasynyń mamandandyrylǵan aýdanaralyq ákimshilik quqyq buzýshylyqtar jónindegi sotynyń sheshimimen usaq buzaqylyq úshin jaýapkershilikke tartyldy. Sot oǵan bes táýlik merzimge ákimshilik qamaqqa alý jazasyn taǵaıyndady».
Almaty qalasy polısıa departamenti kez kelgen zańsyz mazmun áleýmettik jelilerde jarıalansa, ol tekserý nysanasyna aınalatynyn jáne onyń avtorlary sózsiz zań boıynsha jaýapkershilikke tartylatynyn eske salady.