Almatyda Qazaqstandaǵy alǵashqy krematorı jaqyn kúnderi jumysyn bastaıdy. Bul týraly qalalyq qoǵamdyq densaýlyq saqtaý basqarmasy habarlady.
Bul týraly Infohub.kz aqparat agenttigi habarlaıdy.
Krematorıdiń ashylýy nege mańyzdy?
9 qańtarda Ádilet mınıstrliginde Ulttyq ekonomıka mınıstrliginiń buıryǵy tirkeldi. Bul buıryq krematorılerdiń qyzmetin zańdastyrýǵa múmkindik beredi. Osylaısha, Qazaqstanda alǵash ret kremasıa rásimin ótkizýge quqyqtyq negiz qalyptasty.
"Buıryq kúshine engennen keıin Almaty qalasyndaǵy krematorı sanıtarlyq jáne quqyqtyq talaptardy saqtaı otyryp, jumysyn bastaıdy", – delingen habarlamada.
Qazirgi ýaqytta Almaty qalalyq patologoanatomıalyq búrosynyń baqylaý keńesi arqyly kremasıa qyzmetteriniń baǵalaryn bekitý prosesi jalǵasýda. Baǵalar men qyzmet kórsetý tártibi týraly aqparat búronyń resmı saıtynda jarıalanady.
2025 jyldyń qyrkúıeginde Almatynyń komýnaldyq ınfraqurylym jáne turǵyn úı ınspeksıasy basqarmasy aldaǵy alty-jeti jylda qaladaǵy zırattarda jerleý oryndary taýsylatynyn málimdegen bolatyn. Qalada 70 zırat bar, onyń 61-i jabylǵan. Jańa zırattar úshin jerler Almaty oblysynda ǵana qarastyrylýda.