Almatydaǵy Saıran kóliniń jaǵasynan qańtar aıyndaǵy jappaı tártipsizdikter kezinde urlanǵan qarý tabyldy. Bul týraly polisia.kz saıtyna silteme jasap Infohub.kz habarlaıdy.
Qarý-jaraq 27 sáýirde polısıa qyzmetkerleriniń «Quqyq tártibi» jedel-aldyn alý sharasy barysynda anyqtaldy. İshki ister mınıstrliginiń málimetinshe, bul qarý buǵan deıin qańtar aıyndaǵy oqıǵalar kezinde qarý-jaraq dúkeninen urlanǵan.
El boıynsha qarý-jaraq tárkileý
İİM málimeti boıynsha, jyl basynan beri quqyq qorǵaý organdary 900-den astam qarýdy tárkilegen. Onyń 74-i qańtar oqıǵalary kezinde urlanǵan. Sonymen qatar, zańsyz aınalymnan 4 myńnan astam oq-dári alyndy.
27-29 sáýir aralyǵynda «Quqyq tártibi» jedel-aldyn alý sharasy aıasynda elimiz boıynsha 67 atys qarýy jáne ártúrli kalıbrli 200-den astam oq-dári tárkilendi.
İİM zańsyz saqtalǵan qarýdy erikti túrde tapsyrǵan azamattar qylmystyq jáne ákimshilik jaýapkershilikten bosatylatynyn eske salady.