Áleýmettik jelilerde áskerı qyzmetke shaqyrý týraly aqparat taratqan Almaty turǵyny ákimshilik jaýapkershilikke tartyldy, dep habarlaıdy infohub.kz.
Qorǵanys mınıstrliginiń baspasóz qyzmetinen málim etkendeı, 17 shildede almatylyq Facebook-te azamattardyń aýrýy bolsa da áskerge shaqyrylýy múmkin degen beınerolık jarıalaǵan.
Osy fakti boıynsha quzyrly organdarmen birlesip tekserý júrgizildi. Nátıjesinde taratylǵan aqparattyń shyndyqqa sáıkes kelmeıtini anyqtaldy. 15 tamyzda avtor Qazaqstan Respýblıkasynyń zańnamasyna sáıkes ákimshilik jaýapkershilikke tartyldy.
Vedomstvo azamattyń áskerı qyzmetke jaramdylyǵy týraly sheshim medısınalyq kýálandyrý nátıjeleri boıynsha, densaýlyq jaǵdaıy men belgilengen talaptardy eskere otyryp qabyldanatynyn eske saldy.
Osylaısha, densaýlyq jaǵdaıyn esepke almaı áskerge shaqyrý múmkin degen málimdemeler belgilengen tártipke sáıkes kelmeıdi. Zańnamada kózdelgen jaǵdaılarda jalǵan aqparat taratý jaýapkershilikke ákelýi múmkin. Áskerge shaqyrý, medısınalyq kýálandyrý tártibi jáne áskerı qyzmettiń basqa da máseleleri týraly aqparatty tek resmı kózderden alýdy usynamyz. Aqparatty tekserip, rastalmaǵan derekterdi taratpańyz, — dep qosty mınıstrlik.