Almatyda jergilikti turǵyn 12 jasar qyzǵa birneshe ret jynystyq sıpattaǵy qylyq jasaǵany úshin kináli dep tanylyp, 20 táýlikke qamaýǵa alyndy. Bul týraly infohub.kz saıty habarlaıdy.
İs materıaldaryna sáıkes, oqıǵa 2025 jyldyń qarasha aıynda bolǵan. Er adam jábirlenýshi men onyń anasy jáne kishi inisi turatyn úıde komendant jáne santehnık bolyp jumys istegen.
Qyzdyń aıtýynsha, santehnık qubyrlardy tekserý syltaýymen esik qaǵypty. Ol esikti ashqanda, er adam kirip kelgen. Ol kezde qyz inisimen oınap júrgen, biraq keıin inisine renjip, balalar bólmesine ketken. Er adam janyna kelip: «Maǵan renjidiń be?» dep surap, sodan keıin qolyn onyń namazdyǵynyń astyna, odan keıin fýtbolkasynyń astyna salyp, keýdesi men moınyn sıpap, qytyqtaı bastaǵan. Qyz kenetten ornynan turyp: «Eı, bulaı bolmaıdy», — degen. Er adam eshteńe demegen. Bólmege inisi kirgende, santehnık balany kóterip, tósekke jatqyzyp, kıiminiń ústinen qytyqtap, keıin ketip qalǵan.
Sonymen qatar, oqýshy qyz taǵy eki oqıǵa týraly aıtyp berdi. Shamamen 2025 jyldyń qazan aıynda ol er adamnyń kóliginiń artqy oryndyǵynda otyrǵanda, telefonyna burylǵan kezde, er adam onyń bóksesinen bir shalp etkizgen. Taǵy bir joly, santehnık qubyrdy jóndep júrgende, oǵan: «Meni súı», — degen, biraq súıispek bolǵanda, qyz onyń saqalynan ustap alǵan.
Qyz anasyna bul týraly aıtpaǵanyn, sebebi er adam ony aýlada buzaqylyq jasap júrgenin aıtyp qoıamyn dep qorqytqanyn túsindirdi.
Aıyptalýshy óz kinásin moıyndamady. Ol tek balalarmen sóılesip, oınaǵanyn, olarǵa kámpıt bergenin aıtyp, aıyptaýdy qyzdyń anasynyń kegi dep atady. Úı ıesi kórshilerimen janjaldasyp, anasyn úıden shyǵarýǵa tyrysqan eken.
Jábirlenýshiniń anasy sotta buryn aıyptalýshynyń oǵan «qyzyń keremet, taza, men ony jaqsy kóremin» degen habarlamalar jibergenin, sondaı-aq ózin de qorlaǵanyn aıtty. Qyz aıyptalýshy joq kezde, biraq psıhologtyń qatysýymen jaýap berdi.
Almatynyń Naýryzbaı aýdandyq sotynyń sýdıasy Rábıǵa Ábdoldanova er adamdy 20 táýlikke qamaýǵa alyp, 19 660 teńge aıyppul tóleýge mindettedi jáne úsh jylǵa kámeletke tolmaǵandarmen jumys isteýge baılanysty laýazymdardy atqarý quqyǵynan aıyrdy.