Qazaqstan Ǵylym jáne joǵary bilim mınıstrliginiń Joǵary jáne joǵary oqý ornynan keıingi bilim komıtetiniń tóraıymy Ortalyq komýnıkasıalar qyzmetinde ótken brıfıńte talapkerlerdiń qujattaryndaǵy shatasýǵa qatysty ne isteý kerektigin aıtty, dep habarlaıdy infohub.kz saıty.
Jýrnalıserdiń aıtýynsha, úzdik atestat alǵan keıbir túlekter «Altyn belgi» ıegeri retinde qate kórsetilgen, bul grantqa qujat tapsyrý kezinde qıyndyq týdyrady. BAQ ókilderi qujat qabyldaý merzimi aıaqtalýǵa jaqyn qalǵandyqtan, bul máseleniń sheshilgenin surady.
«Qujat qabyldaý kezinde biz atestat pen basqa da jeke derekterdi aqparattyq júıelerden tartamyz. Osyndaı birneshe fakti boldy (qujattarda shatasý bolǵan — red.). Barlyǵyn jedel túrde sheship jatyrmyz. 20 shildede grantqa qujat qabyldaý aıaqtalady», — dedi komıtet tóraıymy Gúljan Djarasova.
Ol mundaı jaǵdaılarda talapkerlerge joǵary oqý oryndarynyń qabyldaý komısıalaryna júginýge keńes berdi. «Osy sebepten birde-bir talapker grantqa qujat tapsyrý múmkindiginen aıyrylmaıdy. Barlyq másele ýaqytyly sheshiledi, biz bul máseleni baqylaýda ustaımyz», — dep sendirdi spıker.
Buǵan deıin Ǵylym jáne joǵary bilim mınıstrligi 10 mamyr men 10 shilde aralyǵynda ótken 2026 jylǵy negizgi Ulttyq biryńǵaı testileýdiń (UBT) qorytyndysyn shyǵardy.