Býdapeshte (Vengrıa) halyqaralyq kúres reıtıńtik týrnıri jalǵasýda. 17 shilde, juma kúni kilemge grek-rım jáne áıelder kúresiniń ókilderi shyqty. Aldyn ala beldesýler qorytyndysy boıynsha qazaqstandyq sportshy Altyn Shagaeva jarystyń fınaldyq blogyna ótip, qola medal úshin kúresedi. Onyń qarsylasy – norvegıalyq Otelıa Hóıe. Sonymen qatar, taǵy birneshe qazaqstandyq sportshy júldege talasý múmkindigin saqtap qaldy: jubanysh raýndynda Irına Kýznesova (62 kg deıin), Kyzjıbek Jarkynbaeva (65 kg deıin), Dınmýhamed Koshkar, Meıırjan Shermahanbet (67 kg deıin) jáne Irına Kazúlına (68 kg deıin) synǵa túsedi. Týrnırdiń fınaldyq blogy búgin, 17 shildede ótedi, dep habarlaıdy infohub.kz saıty.