Aqmola oblysynda «Altyntaý Kókshetaý» AQ ken ornynda alǵashqy jerasty jarylysy jasalyp, bul kendi jerasty ádisimen óndirýge kóshýdiń basy boldy, dep habarlaıdy infohub.kz saıty.
Oblystyq ákimdikte atap ótkendeı, bul oqıǵa kenishti ıgerýde jańa kezeńdi ashty. Aqmola oblysy ákiminiń orynbasary Ernar Jarkeshov: «Shahtalyq ádiske kóshý — kásiporyn úshin úlken tarıhı sát. Bul ken ornynyń qyzmet etý merzimin 2047 jylǵa deıin uzartýǵa, jańa jumys oryndaryn ashýǵa jáne kásiporynnyń damýyna jańa serpin beredi», — dedi.
Óndiristik aýmaqty keńeıtý úshin kompanıaǵa qosymsha 1057 gektar jer telimi berildi.
«Altyntaý Kókshetaý» — «Qazmyrysh» JSHS-niń altyn óndirý bólimshesi. Buǵan deıin óndirý ashyq ádispen júrgizilip, jylyna 15 tonnaǵa deıin altyn alynatyn.
Aýmaqta altyn ken orny jáne 2009 jyly iske qosylǵan baıytý fabrıkasy jumys isteıdi. Onda ken tórt mıkronǵa deıin usaqtalady. Alynǵan Dore qorytpasy Óskemen metalýrgıalyq kesheniniń affınaj zaýytyna jiberiledi.
Kásiporynda 1700-den astam adam eńbek etedi. Onyń úlesi Aqmola oblysynyń ónerkásip óndirisiniń 17%-yn jáne óńdeý ónerkásibiniń 23%-yn quraıdy.
Buǵan deıin «Kýrsıv» «Qazmyrysh» zaýyttaǵy jarylys pen satylý týraly qaýesetter aıasynda Glencore-ge $771 mln tabys ákelgenin habarlaǵan.