Álıhan Bókeıhanovtyń bes ustanymy:

Birinshi, Alash ulttyq demokratıalyq memleket bolýy tıis. Ol úshin, eń aldymen, "jer, jer jáne jer" bolýy kerek. Jersiz Otan joq. Bókeıhanovtyń uıǵarymy boıynsha, qazaqtyń baıyrǵy jerin qashan qazaqtyń ózi ǵylym men tehnıkaǵa súıenip, tolyq ıgermeıinshe, jer jekemenshikke, qonys aýdarýshylarǵa berilmeýi kerek.

Ekinshi, Alash jeriniń astyndaǵy, ústindegi, kógindegi bar baılyq qazaqtyń ózine qyzmet etýi tıis. Bókeıhanovtyń sózimen aıtsaq, "qazaqtyń árbir tasy qazaqtyń óńirine túıme bolyp taǵylýy tıis".

Úshinshi, qazaqtyń jerinde óndirilgen bir ýys jún sol memlekettiń azamattarynyń ústine toqyma bolyp kıilýi kerek. Memleket tolyqtaı ekonomıkalyq táýelsizdikke qol jetkizýi tıis.

Tórtinshi qazaq jerinde memleket qurýshy ulttyń tili, dini ózge ulttarǵa qaraǵanda ústem bolýy kerek. Bul - ıdeologıalyq ustanym bolatyn.

Al, besinshi, eń negizgi ustanymy - táýelsiz ǵylymǵa, zańǵa súıene otyryp, ulttyq dástúrge negizdelgen Japonıa úlgisindegi ulttyq demokratıalyq memleket qurý...
(T. Jurtbaı)