Qazaqstanda amnıstıa týraly zańdy iske asyrý jalǵasýda. QR İİM Qylmystyq-atqarý júıesi komıteti tóraǵasynyń birinshi orynbasary Nıaz Ryspaev osy jumystyń alǵashqy qorytyndylary týraly málimdedi, dep habarlaıdy infohub.kz.
Nıaz Ryspaevtyń aıtýynsha, qazirgi ýaqytta sottarǵa 10 myńǵa jýyq usynys joldanǵan. Sottar myńnan astam materıaldy qarap, nátıjesinde qylmystyq-atqarý júıesi mekemelerinen 620 adam bosatyldy.
Komıtet ókili bosatylǵan azamattarǵa qatysty ákimshilik qadaǵalaý belgilenetinin atap ótti.
Amnıstıa probasıa qyzmetiniń esebinde turǵan sottalǵandarǵa da qatysty. Probasıa qyzmetiniń esebinde turǵan taǵy 724 azamat jazany odan ári óteýden bosatyldy.
Sonymen qatar, 730-dan astam sottalǵannyń jaza merzimi qysqartyldy. Sottarda usynystardy qaraý jumysy jalǵasýda.