Qazaqstandyq ánshi Ernar Sadirbaev, Amre degen atpen tanymal, 20-26 tamyz aralyǵynda Qazanda ótken «Novaıa volna-2026» mýzykalyq baıqaýyna qatysýy týraly aıtty. Ártis festıvál kezinde ony qoldaǵandardyń barlyǵyna alǵys bildirdi, dep habarlaıdy infohub.kz saıty.
Ánshiniń aıtýynsha, ol ótken jyly Igor Krýtoıdyń resmı shaqyrýynan keıin baıqaýǵa qatysýshy atanǵan, biraq buǵan deıin mundaı jospary bolmaǵan. «11 jyl buryn men «Novaıa volnaǵa» boız-bend quramynda qatysqan edim jáne shynymdy aıtsam, bul baıqaýǵa jeke ártis retinde oralamyn dep oılamappyn. Alaıda maestroǵa, onyń shyǵarmashylyǵyna degen úlken qurmet pen jeke shaqyrýyna baılanysty qatysýdy jón kórdim. Budan keıin jobada bolǵan oqıǵalar — múldem basqa áńgime. Oǵan qaıta oralyp, talqylap nemese baǵa bergim kelmeıdi. «Novaıa volna-2026ǵa» qatysýymdy kásibı tájirıbe emes, ómirlik tájirıbe retinde qabyldaımyn. Osy tájirıbeden ózime belgili bir qorytyndy jasadym jáne ol sózsiz shyǵarmashylyq jolymnyń bir bóligi bolyp qalady», — dedi Amre.
«Vechernáá Kazan» gazetiniń jazýynsha, fınalda tórt elden — Reseı, Armenıa, Belarýs jáne Qazaqstannan 12 qatysýshy jeńis úshin kúresken. «Novaıa volna - 2026» jeńimpazy Armenıadan Flora Bıchahchán atandy. Ekinshi oryndy baıqaýdyń eń jas qatysýshysy bolǵan Reseıden kelgen 16 jastaǵy Anastasıa Ivanova ıelendi. Úshinshi oryndy Reseıden TROFIM GRANN aldy.
Eske sala keteıik, «Novaıa volna» bastalar aldynda Igor Krýtoı Dımash pen «Novaıa volna-2025» jeńimpazy Alex Lim-men arhıvtik fotosýrettermen bólisken edi.