Nıderland astanasynda LGBT qaýymdastyǵynyń quqyǵyn qorǵaýǵa arnalǵan jyl saıynǵy sherýde erekshe ınstallásıa paıda boldy: Reseı prezıdenti Vladımır Pýtın men Aq úı basshysy Donald Tramp súıisip turǵan jup retinde kórsetildi, dep habarlaıdy infohub.kz saıty.
Deutche Welle málimetinshe, Amsterdamdaǵy praıd uıymdastyrýshylary golandıalyq tanymal ǵashyqtar músinin negizge alyp, «The Kissing Couple» dep atalatyn kompozısıa jasady. Avtorlar dástúrli ǵashyqtardyń ornyna Reseı men Amerıka kóshbasshylarynyń músinderin qoıdy.
Installásıanyń beınejazbasy men fotosýretteri áleýmettik jelilerde tez taralyp, keń qoǵamdyq rezonans týdyrdy. Kadrlarda Pýtın men Tramptyń músinderi súıisý sátinde beınelengen, bul sherýge qatysýshylardyń nazaryn aýdardy.
Praıd uıymdastyrýshylary óz oılaryn bylaı túsindirdi: «Biz arandatý úshin emes, bılikti bir sátke toqtatyp, adamdyq birdeńe kórsetý úshin jasadyq. Birlikke kóbinese bılik arqyly, óz pikirimizdi dáleldeýge umtylý nemese aıyrmashylyqtardy atap kórsetý arqyly jetýge tyrysamyz. Al biz shynaıy jaqyndasý júıelerden nemese saıası bloktardan emes, adamdardan bastalady dep senemiz. Bizdiń ózimizden. Bul árqaısymyzdan kúndelikti kúsh-jigerdi talap etedi - daýlarda, otbasy aıasynda, jumysta jáne dostar arasynda».