Anatolı Kashpırovskı 87 jasynda ómirden ótti. Ol — keńestik jáne reseılik psıhoterapevt ári telejúrgizýshi, 1980-shi jyldardyń sońynda «emdeý» seanstary týraly telebaǵdarlamalarymen keńinen tanymal bolǵan. Qaıǵyly habardy onyń dırektory Sergeı Rýdyh jetkizdi. Ol jýrnalıserge Kashpırovskıdiń aýrýhanada qaıtys bolǵanyn rastady, dep habarlaıdy infohub.kz saıty.
RBK dereginshe, Anatolı Kashpırovskı keńestik jáne reseılik psıhoterapevt ári telejúrgizýshi bolǵan. 1993–1995 jyldary Reseı Memlekettik dýmasynyń depýtaty qyzmetin atqarǵan.
Onyń ómirbaıanynyń bir paraǵy Qazaqstanmen baılanysty: Uly Otan soǵysy jyldary Kashpırovskı Qazaqstandaǵy bir aýylda turǵan.
«Dáriger-psıhoterapevt Anatolı Kashpırovskıdiń densaýlyq seanstary» baǵdarlamasy 1989 jylǵy 8 qazannan jeltoqsannyń ortasyna deıin Ortalyq teledıdardyń birinshi baǵdarlamasynda eki aptada bir ret, jeksenbi kúnderi efırge shyǵyp turdy. Baǵdarlamanyń basty keıipkeri óz sózin «spesıfıkalyq psıhoterapıalyq áser etý aktisi» dep atady, onyń «emdik yqpaly» «qarym-qatynastyń birinshi sekýndynan» bastalady deıdi.