«Mersedes» ıtalıalyq pıloty Andrea Kımı Antonellı 2026 jylǵy «Formýla-1» maýsymynyń onynshy kezeńi – Belgıa Gran-prıinde jeńiske jetti, dep habarlaıdy infohub.kz saıty.
Jarys Spa qalasyndaǵy avtodromda ótti. Antonellı poýl-pozısıadan start alyp, maýsymdaǵy altynshy jeńisine qol jetkizdi. 19 jastaǵy ıtalıalyq pılot jalpy esepte 204 upaımen kóshbasshylyǵyn nyǵaıtty.
Ekinshi oryndy «Ferrarı» pıloty, monegask Sharl Lekler ıelendi. Úshinshi bolyp «Red Býll» komandasynan nıderlandıalyq Maks Ferstappen márege jetti. Ol – tórt dúrkin «Formýla-1» chempıony.
Tórtinshi oryndy taǵy bir «Ferrarı» pıloty Lúıs Hemılton aldy. Ol birinshi aınalymda taǵy bir brıtandyq – Djordj Rassellmen soqtyǵysqany úshin bes sekýndtyq aıyppul aldy. «Mersedes» ókili (Rassell) jarysty aıaqtaı almady.
Jalpy esepte Hemılton 159 upaımen ekinshi orynda tur. Rassell úzdik úshtikti 154 upaımen túıindeıdi.