Sabaqtyń taqyryby: Andronov jáne Beǵazy - Dándibaı mádenıetteri
Oqý maqsattary: arheologıalyq derekterge súıene otyryp, Andronov jáne Beǵazy - Dándibaı mádenıetteriniń belgilerin anyqtaý.
Baǵalaý krıterıleri
Andronov jáne Beǵazy - Dándibaı mádenıetteriniń belgilerin anyqtaıdy.
Andronov jáne Beǵazy - Dándibaı mádenıetteriniń belgilerin ajyratyp, taldaıdy.
Andronov jáne Beǵazy - Dándibaı mádenıetteriniń belgilerin salystyra otyryp, naqty mysaldar keltirý arqyly tujyrymdaıdy.
Zertteý suraǵy: Qazaqstandaǵy qola dáýiri eskertkishteriniń qandaı erekshelikteri bar?
Andron mádenıeti. Qazaqstanda qola dáýirindegi taıpalardan kóptegen turaqtar, ken eskertkishter qalǵan. Bulardy Andron mádenıeti dep ataıdy. Bul mádenıet – Eýrazıadaǵy eń iri qola dáýiriniń mádenıeti. Andron mádenıetiniń birinshi eskertkishi. 1914 jyly Ońtústik Sibir jerindegi Achınsk qalasynyń janyndaǵy Andronovo qonysynan tabylǵan
Andron tektes qola mádenıeti Oral (Jaıyq) ózeninen bastap, Enıseı ózenine deıingi, Batys Sibir ormandy alqabynan bastap, Pamır taýlaryna deıingi aralyqqa taraǵan.
Qazaqstandaǵy eskertkishteri Soltústik Batys jáne Ortalyq Qazaqstanda ornalasqan osylardyń ishindegi eń irisi — Ortalyq Qazaqstan. Bul aımaqta qola dáýirine tán 30 qonysty, 150 obany zerttedi.
Andron mádenıeti:
1. Metal óńdeý ıgerildi. Ken óndirý men metal óńdeý isi órkendedi.
2. Mal baǵýdyń kóshpeli túrine kóshý qalyptasa bastady.
3. Jer óńdeýdiń qarapaıym túri, teseli eginshilik damydy.

Begazy mádenıetine jatatyn tarıhı jádigerler erte zamannan, dálirek aıtqanda, qola dáýirden jetken muralar bolyp tabylady. «Beǵazy» degen ataý sol jerdegi Beǵazy taýyna, Beǵazy ózenine baılanysty qoıylǵan. Dándibaı da jer ataýy. Osy eki ataý biriktirilip, sol jerdegi ejelgi órkenıet qonysyn «Beǵazy - Dándibaı mádenıeti» dep ataıdy. Bul tarıhı mekendi zerttep, onyń ejelgi tarıhymyz úshin mańyzyn aıqyndaǵan ǵalym - áıgili akademık oqymysty, tarıhshy, etnograf Álkeı Marǵulan boldy. Beǵazy - Dándibaı qonysynan tabylǵan zattar aıǵaqtaǵandaı, bul obalar bizdiń zamanymyzdan burynǵy ӀH - ÚӀӀӀ ǵasyrlarǵa, ıaǵnı qola dáýiriniń sońǵy kezeńine jatatyn mádenıetti sıpattaıdy. Akademık Álkeı Marǵulannyń anyqtaýynsha, Beǵazy - Dándibaı mádenıetiniń ereksheligi - eski qola mádenıetiniń túrleri ózgerip, sonyń negizinde oǵan uqsamaıtyn jańa mádenıet túrleri qalyptasqan. Atap aıtqanda, bıligi, dinı senimi, saıası ákimshilik ortalyǵy, óndirisi men óndirgish kúshteri damyǵan, alǵashqy memlekettik birlestikter qurý deńgeıine kóterilgen taıpalardyń bolǵandyǵy anyqtaldy. Beǵazy - Dándibaı mádenıetin qalyptastyrǵan bul taıpalar, ǵalymdardyń aıtýynsha, shyǵysynda Abyraly, Shyńǵys taýlaryna, batysynda Ulytaýǵa deıingi aralyqty mekendegen. Beǵazy - Dándibaı qorǵandary bıikteý bolyp keledi jáne usaq qıyrshyq tastar men topyraqtan turǵyzylyp, etegi úlken qaqpaqtastarmen bekitilgen.
Andronov jáne Beǵazy - Dándibaı mádenıeti slaıdty júkteý