Qazaqstandaǵy anomaldy ystyq jol qyzmetin sementbeton jabyndyly trassalardyń jaı-kúıin táýlik boıy tekserýge májbúr etti. Josparly tekserýler kezinde mamandar Jambyl, Pavlodar jáne Túrkistan oblystarynda temperatýralyq deformasıaǵa ushyraǵan alty ýchaskeni anyqtady, dep habarlaıdy infohub.kz saıty.
«KazAvtoJol» málimetinshe, deformasıa oryndaryna dereý jol brıgadalary men arnaıy tehnıka jiberilip, barlyq zaqymdy joıdy.
Qazirgi ýaqytta jol qyzmeti kúsheıtilgen rejımde jumys istep jatyr. Qatty ystyqta beton jabyndysy +60...+70 °C jáne odan joǵary qyzyp, plıtalarda qatty kerneý paıda bolyp, deformasıaǵa ákelýi múmkin.
18 shildedegi jaǵdaı boıynsha turaqty baqylaýda 1 636,5 shaqyrym jol bar. Respýblıkalyq mańyzy bar sementbeton trassalaryna monıtorıń táýlik boıy jalǵasýda.