Apple kompanıasy eshqandaı resmı málimdeme jasamaı, satylymda qalǵan barlyq burynǵy býyn iPhone smartfondarynyń baǵasyn kóterdi. Bul týraly Engadget portaly jazyp, infohub.kz saıty habarlady.
Jańa qurylǵylardyń tusaýkeserinde Apple jańa býyn Apple Watch sıaqty keıbir gadjetterdiń baǵasy ózgermegenin birneshe ret atap ótti. Alaıda ótken jyldardaǵy qurylǵylardyń qymbattaǵany týraly tehnologıalyq alyp únsiz qaldy. Jýrnalıser resmı saıtta usynylǵan barlyq burynǵy býyn smartfondarynyń baǵasy dál 100 dollarǵa óskenin baıqady.
Bazalyq iPhone 16 endi burynǵy 699 dollardyń ornyna 799 dollardan bastap satylady. Osylaısha, qurylǵy 2024 jylǵy bastapqy baǵasyna qaıta oraldy, degenmen buǵan deıin kelesi býyn shyqqan soń baǵasy tómendegen edi. Bıyl satylymǵa 599 dollarǵa shyqqan búdjettik iPhone 17E endi satyp alýshylarǵa keminde 699 dollarǵa túsedi.
Qymbattaý brendtiń basqa da tanymal modelderine áser etti. 256 gıgabaıt jady bar iPhone 17 smartfonynyń baǵasy 799 dollardan 899 dollarǵa, al iPhone Air modeliniń baǵasy 999 dollardan 1099 dollarǵa kóterildi. Sonymen qatar AirPods Pro 3 qulaqqabynyń baǵasy ózgergen joq — sarapshylar muny olarda álemdik naryqta qymbattap jatqan kiriktirilgen jedel jadynyń bolmaýymen baılanystyrady.