Aq otaýy - bolashaqtyń baǵy shyn

Uıasynan ushyp barady bir qusy

Keleshekke oı kózimen úńilip,
Jastyq júzden sezimi asqaq bilinip,
Baqytynyń kilti sonda ekenin
Arý júrek ishteı sezip, uǵynyp,
Sol maqsattyń baıan jolyn arman ǵyp,
Eki eldi myń jyldyqqa jalǵantyp,
Ózi týyp - ósken búgin áýletke
Toı qyldyryp, ári taǵy tolǵantyp,
Uıasynan ushyp barady bir qusy.

Aparar dep armanǵa asqaq jańa kún,
Baqytyna tigip nárkes janaryn,
Ushyp barady bul áýlettiń bir qusy.

Aqqýy edi ardaq tutar ákeniń,
Qyzyǵy edi álpeshtegen ananyń.
Endi búgin baqytyna umtyldy,
Asyǵa da kútkendeı - aq bul kúndi.
Sodan ba eken talaı júrek tolqydy,
Janarlarǵa shattyqty jas irkildi.

Baqytyn da tileýshi edi únemi,
Aýnap tústi baýyrlardyń júregi.
Sondyqtan da tilektes bop olar da
Osy áýlettiń uzatylǵan gúline
Baqyt jolda baıandy baq tiledi.

Bul áýlettiń tálimin de sezesiń,
Syılaýshy edi ardaqty ata - ájesin.
Sol ata - áje bata berdi óz qyzyna,
Degendeı - aq bir otaýǵa egesiń.
Babalar men atalardyń árýaǵy
Dedi árdaıym uly ómirde jebesin.
Uzatylyp bara jatqan baq jolyń
Baqyt nurǵa dedi ár kez bólesin!

Avtory:
Ǵabıden QOJAHMET,
Qyzylorda qalasy