Aq úı YouTube beıneplatformasynda óziniń táýlik boıy júretin Trump TV translásıasyn iske qosqanyn habarlady. Bul amerıkandyq buqaralyq aqparat quraldarymen ýshyqqan janjal aıasynda boldy, dep jazady infohub.kz saıty.
Táýlik boıy habar taratýdyń bastalǵanyn Aq úıdiń X áleýmettik jelisindegi resmı paraqshasy málimdedi. Jazbada bylaı delingen: «TRUMP TV translásıasy dál qazir júrip jatyr. Táýlik boıy, naqty ýaqyt rejıminde jańartylyp otyrady. Ótken jyldardaǵy úzdik sátter, málimdemeler jáne ákimshiliktiń eń sońǵy jańalyqtary — bári bir jerde. Keıbir mańyzdy oqıǵalar áli kúnge deıin teledıdardan kórsetilmeı keldi, endi olar kórsetiledi».
Trump TV translásıasy Aq úıdiń YouTube arnasynda qoljetimdi ekeni atap ótildi.
Eske salaıyq, 18 qyrkúıekte AQSh prezıdenti CNN, MS NOW jáne Politico tilshileriniń Aq úıge kirýine tyıym salatynyn málimdedi. Sebebi bul basylymdar jalǵan jańalyq taratyp júrgen kórinedi. Kelesi kúni-aq osy basylymdardyń jýrnalıseri Aq úıge kirgizilmegenin habarlady. Osydan keıin Donald Tramp CNN, MSNBC jáne Politico logotıpteri bar qoqys qaptarynyń sýretin jarıalady.
Sodan soń ótken aptada jýrnalıseriniń Aq úıge kirýine tyıym salynǵan úsh aqparat agenttigi prezıdent Donald Trampqa qarsy sotqa shaǵym túsirgeni belgili boldy.
22 qyrkúıekte birqatar jetekshi amerıkandyq BAQ AQSh prezıdenti Donald Tramp ákimshiligine boıkot jarıalady — telearnalar Aq úı basshysy qatysatyn is-sharalardy pýldyq jarıalaýdy toqtatty.