Sabaqtyń taqyryby Aqmola bekinisiniń salynýy
Sabaqtyń maqsaty:
Bilimdilik: Sabaq barysynda oqýshylarǵa qalanyń salyný tarıhy, onyń saıası strategıalyq, ekonomıkalyq mańyzy týraly áńgimelep, qalanyń qazirgi táýelsiz Qazaqstan tarıhyndaǵy mártebesine toqtalyp ketý;
Damytýshylyq: Oqýshylardyń Ár túrli tarıhı kezeńderdegi tarıhı oqıǵalardy salystyra bilý, logıkalyq oılaý mashyǵyn damytý
Tárbıelik: Týǵan jerge degen súıispenshilik, maqtanysh sezimine, estetıkalyq talǵamdy qalyptastyrýǵa tárbıeleý.
Sabaqtyń túri: Kiriktirilgen sabaq
Sabaqtyń ádisi: ınteraktıvti
Sabaqtyń kórnekiligi: Beınekórsetilim, ınteraktıvti taqta, prezentasıa.

Sabaqtyń jospary
1. Uıymdastyrý
2. Topqa bólý
3. “Qupıa konvert” (Úı tapsyrmasy)
4. Oı shaqyrý (beınekórinis)
a) Ótken kún - «Keshegi tarıh»
á) Búgingi kún – «Úlken syı»
b) Keler kún – «Erteń syr»
5. Sabaqty bekitý (Astananyń qazirgi kelbeti)
6. Qorytyndylaý
7. Baǵalaý
8. Úıge tapsyrma

Qupıa konvert (úı tapsyrmasyn suraý)
1. Kishi júzden bólingen “İshki Orda”qaı jyly jáne qaı ózenderdiń aralyǵynda quryldy? (1801 jyly Edil men Jaıyq ózenderiniń aralyǵynda). İshki Ordanyń aýmaǵyn kartadan kórsetý
2. “Sibir qyrǵyzdary týraly Jarǵyny” kim jasady jáne ol qaı jyly kúshine endi?
(1822 j Batys Sibir general - gýbernatory M. M. Speranskı jasap Reseı Imperatory I Aleksandr jarlyǵymen bekitildi.)
3. Orta júzde Handyq bıliktiń joıylýyna baılanysty basqarýdyń jańa júıesi qalaı boldy? (okrýg – bolys - aýyl) ár okrýg - 15 - 20 bolysqa, ár bolys - 10 - 12 aýylǵa, ár aýyl - 50 - 70 ańyraqtan turdy.
4. Bolys degenimiz – (Ákimshilik aýmaqtyq bólik, sondaı - aq osy bólikti basqarýshy laýazym ıesi)
5. “Orynbor qyrǵyzdary jónindegi jarǵy” jobasyn kim jasady jáne onyń maqsaty? (Orynbor ólkesiniń gýbernatory P. K. Essen jasap I Aleksandr 1824 j. kóktemde bekitti. Kishi júzde handyq bılik joıyldy.)
6. Kishi júzde basqarý júıesi qalaı boldy? (Jaıyqtyń syrt jaǵynda 3 okrýgqa bólindi. Batys, Orta, Shyǵys. Tikeleı Orynbor gýbernatoryna baǵyndy)
7. Dıstansıa degenimiz – (Kishi júz jerindegi shekara shebinde turatyn qazaqtardy basqarý úshin qurylǵan ákimshilik birlik)
8. Jarǵy -( Qazaq qoǵamynyń ákimshilik zańdar jınaǵy)
9. Jarǵynyń jaǵymdy jaqtary – a(Aýrýhanalar paıda boldy jáne sheshek aýrýyna qarsy egý jumystary júrgizildi. Qazaq balalary Reseıdiń ishki gýbernıalarynda oqý oryndaryna oqýǵa jiberildi.)
10. Baj salyǵy - (Memlekettik organdar alyp turatyn aqshalaı salyq túrindegi erekshe tólem túri)
Salyq - qazirgi kezde árbir jumys isteıtin adam tapqan tabysynyń belgili bir mólsherin memleketke tóleıdi. Ony ókimet qajetti jerlerge jumsaıdy.

Osydan keıin «Oı shaqyrý» Astana jaıly beınekórinis kórsetiledi
Ótken kún – «Keshegi tarıh» kezeńi

1 - topqa Jańa okrýg ashýǵa ázirlik jáne Aqmola okrýgtyq prıkazynyń ashylýy
2 - topqa Aqmola – aımaqtaǵy iri saýda ortalyǵy
3 - topqa Aqmolaǵa qala mártebesiniń berilýi jáne qala halqy sanynyń ósýi

Búgingi kún – “Úlken syı”
1. EXPO - 2017
2. “Nurly jol – bolashaqqa bastar jol”

Jazýshy Halyqaralyq Alash syılyǵynyń ıegeri Qomshabaı Súıenishtiń pikiri «Halqymyzdyń ǵasyrlar tereńinen tamyr tartqan tarıhynda shalqar kóshimizdiń mańdaıyn túzep, baǵyt - baǵdaryn aıqyndaıtyn Temirqazyq shamshyraǵyndaı áıgili 3 sara jol bar:
• Qasym hannyń qasqa joly
• Esim hannyń eski joly
• Abylaı hannyń aq joly
Sol kıeli ata - babalarymyzdyń árýaǵy qoldap jańa
• XXI ǵasyr Nursultannyń nurly joly bolǵaı»

Sergitý sáti
Sabaqty bekitý
Astananyń qazirgi kelbeti
Qorytyndylaý.
Baǵalaý.
Úıge tapsyrma: «Astana - jas memleketimizdiń úlken jetistigi» taqyrybyna esse jazý