Amerıka Qurama Shtattary Reseı Federasıasynyń prezıdenti Vladımır Pýtındi Maıamıde ótetin «Jıyrmalar toby» samıtine qatysýǵa shaqyrdy. Bul týraly AQSh memlekettik hatshysy Marko Rýbıo málimdedi, dep habarlaıdy infohub.kz saıty.
Amerıka dıplomatıasynyń basshysy aıtýynsha, Vashıngton pikirleri qaıshy keletin kóshbasshylarmen de baılanysty úzbeý kerek degen ustanymda. Rýbıo sondaı-aq AQSH-tyń Máskeýmen yntymaqtastyqqa ashyq ekenin atap ótti.
«Biz ol úshin tek prezıdentpen ǵana emes, álemniń basqa da kóshbasshylarymen sóılesý múmkindigi dep esepteımiz. Ol bul shaqyrtýdy qabyldaıdy dep úmittenemiz», — dedi AQSh memlekettik hatshysy.
Kremlde shaqyrtýǵa jaýap berdi. Reseı Federasıasy prezıdentiniń baspasóz hatshysy Dmıtrı Peskov Vladımır Pýtındi G20 samıtine shaqyrǵany úshin Reseı alǵys bildiretinin jáne rıza ekenin málimdedi.
«Biz dıplomatıalyq arnalar arqyly sheshim qabyldap, ony pysyqtaımyz», — dedi ol.
Aıta keteıik, buǵan deıin Ýkraına prezıdenti Vladımır Zelenskı AQSh Reseı prezıdentin «Jıyrmalar toby» samıtine shaqyrsa, Maıamıge Vladımır Pýtınmen kezdesýge ushatynyn málimdegen edi. Keıinirek Reseı prezıdentiniń baspasóz hatshysy Dmıtrı Peskov Vladımır Pýtınniń Ýkraına prezıdenti Vladımır Zelenskımen Maıamıde kezdesýi múmkin emes ekenin aıtty.