Amerıka Qurama Shtattary men Qytaı Halyq Respýblıkasy taýarlarǵa baj salyǵyn ózara 30 mıllıard dollarǵa tómendetýge jáne jasandy ıntellekt jóninde dıalog bastaýǵa kelisti. Bul sheshimder QHR tóraǵasy Sı Szınpınniń Vashıngtonǵa sapary aıasynda, onyń ishinde AQSh prezıdenti Donald Tramppen kelissózder barysynda qol jetkizilgen segiz tarmaqtyń qataryna endi. Bul týraly Qytaı elshiligi habarlady, dep jazady infohub.kz saıty.
Pekın men Vashıngton sondaı-aq birlesken saýda keńesin damytýǵa jáne Kýala-Lýmpýrdegi kelissózderde qol jetkizilgen ýaǵdalastyqtardyń merzimin uzartýǵa kelisti. Eki eldiń kóshbasshylary óz komandalaryna kelisilgen sharalardy júzege asyrýdy tapsyrdy. Alaıda sapar qorytyndylarynyń jarıalanǵan tiziminde baj salyǵy qaı taýarlarǵa tómendetiletini jáne ózgerister qashan kúshine enetini naqtylanbaǵan.
Jeke tarmaq jasandy ıntellekt salasyndaǵy yntymaqtastyqqa arnaldy. Taraptar tehnologıanyń táýekelderi men artyqshylyqtaryn talqylaýdy, sondaı-aq jasandy ıntellektke qatysty oqıǵalar týraly habarlaý úshin baılanys arnasyn qurýdy josparlap otyr. Dıalogtyń kelesi kezeńi qarasha aıyna josparlanǵan.
Syrtqy saıasatta Sı Szınpın men AQSh prezıdenti Donald Tramp Iran ıadrolyq qarý jasamaý mindettemesin ustanýy kerek degen kelisimge keldi. Qytaı tarapynyń habarlaýynsha, kóshbasshylar sondaı-aq halyqaralyq sý joldarynan ótkeni úshin aqy alýǵa qarsy shyqty. Sonymen qatar elder ATES jáne G20 samıtterin ótkizý kezinde bir-birin qoldaýǵa kelisti.
Sı Szınpınniń AQSH-qa sapary 23–25 qyrkúıek aralyǵynda ótti.