AQSh jaǵalaýynda bes adam bolǵan sanıtarlyq avıasıa tikushaǵy sýǵa qulady. Eki adam qaza tapty, taǵy bireýi iz-túzsiz joǵalǵan, dep habarlaıdy infohub.kz saıty.
NBC4 telearnasynyń málimetinshe, áýe kemesi Santa-Katalına aralynan ushqannan keıin kóp uzamaı sýǵa qulaǵan. Bortta bes adam bolǵan.
«Tórteýin sýdan alyp shyǵyp, aýrýhanaǵa jetkizdi. Olardyń ekeýi qaza tapty, taǵy ekeýiniń jaǵdaıy turaqty. Araldan materıkke tasymaldanyp bara jatqan pasıent áli tabylǵan joq», — delingen jarıalanymda.
Apat Pebbl-Bıch jaǵajaıynyń mańynda, Avalon qalasynan shamamen bir jarym shaqyrym jerde saǵat 19:50 shamasynda bolǵan. Áýe kemesiniń qulaý sebebi ázirge belgisiz.
«Qazir aımaqtaǵy jaǵdaı tynysh, sondyqtan izdeýge qolaıly dep aıtar edim. Biraq apattan keıin sýda kóp synyq bar. Sonymen qatar, sýǵa tikushaqtan biraz otyn tógildi», — dedi AQSh jaǵalaý kúzetiniń qolbasshysy Mark Lıhı.