AQSh Joǵarǵy soty Tramp ákimshiligine daýly federaldyq saılaýshylar derekqoryn paıdalanýǵa qoıylǵan shekteýlerdi alyp tastady. Bul júıe azamattyq týraly málimetter men ózge de qupıa derekter arqyly azamat emes dep kúdiktelgen saılaýshylardy súzgiden ótkizedi, dep habarlaıdy infohub.kz saıty.
Synshylar bul sheshim zańdy saılaýshylardyń saılaý tiziminen shyǵarylýyna ákelýi múmkin dep eskertedi. Sheshim azamat emesterdiń daýys berýi týraly aıyptaýlarmen kúresýge umtylǵan Tramp ákimshiligi úshin jeńis boldy.
Joǵarǵy sottyń lıberaldyq baǵyttaǵy úsh múshesi qarsy daýys berdi, qalǵan alty konservatıvtik sýdıa sheshimdi qoldady. Maýsym aıynda federaldyq sýdıa bul júıeni zańsyz dep taýyp, ol amerıkalyqtardyń jeke ómirge qol suǵylmaý quqyǵyn buzady degen edi.
İshki qaýipsizdik departamentiniń «Járdemaqy alý quqyǵyn júıeli tekserý» (SAVE) dep atalatyn baǵdarlamasy sheneýnikterge saılaý tizimindegi saılaýshylardyń quqyqtylyǵyn tekserýge múmkindik beredi.
Derekqor alǵash 1986 jyly memlekettik járdemaqyǵa ótinish berýshilerdiń azamattyǵyn nemese ımıgrasıalyq mártebesin tekserýge kómektesý úshin qurylǵan. Alaıda Tramp ákimshiligi byltyr áleýmettik saqtandyrý nómirleri arqyly jappaı izdeýge ruqsat berip, onyń izdeý múmkindikterin keńeıtti.
Al maýsym aıynda AQSH-tyń aýdandyq sýdıasy Sparkl L. Sýnnan — Baıden taǵaıyndaǵan sýdıa — jańartylǵan júıe federaldyq úkimettiń amerıkalyqtardyń «jeke ómirge qol suǵylmaý quqyǵyn bile tura taptaǵanyn» jáne muny «qasıetti daýys berý quqyǵyna qaýip tóndiretin» túrde jasaǵanyn anyqtady.
Federaldyq apelásıalyq sot onyń sheshimin kúshinde qaldyrǵan, biraq juma kúni Joǵarǵy sot ony joıdy.