Pavlodar oblysy, Aqsý qalasynda qatty jeldiń saldarynan jantúrshigerlik jaǵdaı tirkeldi. Jol boıynda kele jatqan taksıdiń ústine aǵashtyń aýyr butaǵy qulap, saldarynan kólik ishindegi jolaýshy — 1968 jyly týǵan áıel — oqıǵa ornynda kóz jumdy.
Kýágerler túsirgen vıdeodan kóliktiń aldyńǵy áınegin tesip ótken butaqtyń jolaýshynyń keýdesine qadalǵany kórinedi. Qatty soqqydan keıin jedel járdem kelgenshe áıel jan tásilim etken.
📹 Taksı júrgizýshisi aýyr jaǵdaıdan soń eseńgirep, jylap, kómek suraǵany da vıdeoǵa túsip qalǵan. Jol-kólik qozǵalysy qaýipsizdigin qamtamasyz etý qyzmetteri men polısıa dereý oqıǵa ornyna kelip, tıisti sharalar qabyldady.
Qazirgi ýaqytta oqıǵanyń mán-jaıy anyqtalyp, aǵash qulaýyna baılanysty jaýapty qyzmetterge tekserý júrgizilýde. Jeldiń ekpini 20 m/s-qa deıin jetkeni habarlandy.