Qazaqstandyq sportshy Araılym Shegenova Japonıanyń Aıchı men Nagoıa qalalarynda ótip jatqan 2026 jylǵy XX Jazǵy Azıa oıyndarynyń qola júldegeri atandy. Bul júlde tarıhta qaldy: buǵan deıin Qazaqstannyń áıelder kýrash quramasy Azıada tuǵyryna eshqashan kóterilmegen, dep habarlaıdy infohub.kz saıty.
29 jastaǵy Shegenova 87 keliden joǵary salmaq dárejesinde synǵa tústi. Jartylaı fınalda ol Ońtústik Koreıa ókili Kım Mın Enmen kezdesip, 1:0 esebimen jeńilis tapty. Jarys erejesinde úshinshi oryn úshin jeke beldesý qarastyrylmaǵandyqtan, qazaqstandyq sportshy qola medaldi avtomatty túrde ıelendi.
Shegenova tuǵyrǵa eki senimdi jeńispen qadam basty. 1/8 fınalda ol Vetnam sportshysy Dyong Than Thandy 5:0 esebimen tize búktirse, shırek fınalda ońtústikkoreıalyq Pak Chonvonnan 3:0 esebimen basym tústi.
Qazaqstan quramasy úshin bul Azıada-2026 kýrashtan ekinshi júlde. Bir kún buryn Ádilet Ahmetgalı 81 kelige deıingi salmaq dárejesinde qola medal jeńip alǵan bolatyn.
Kýrash — beldeýde ǵana kúres júrgiziletin dástúrli belbeý kúresi. Sportshy qulaǵan soń, parterde kúres jalǵaspaıdy.
Japonıadaǵy XX Jazǵy Azıa oıyndary 19 qyrkúıekte resmı túrde ashyldy. Jarysqa 45 eldiń sportshylary qatysyp, 460 medal jıyntyǵy sarapqa salynýda. Azıada-2026-da Qazaqstan quramasynyń quramynda 35 sport túrinen 558 sportshy óner kórsetýde.