Qazaqstan Prezıdenti Qasym-Jomart Toqaevtyń ókimimen Ardaq Temirhanuly Zebeshev Qazaqstan Respýblıkasy Syrtqy ister mınıstriniń orynbasary bolyp taǵaıyndaldy. Bul týraly memleket basshysynyń baspasóz qyzmeti habarlady, dep jazady infohub.kz saıty.
«Memleket basshysynyń ókimimen Zebeshev Ardaq Temirhanuly Qazaqstan Respýblıkasy Syrtqy ister mınıstriniń orynbasary bolyp taǵaıyndaldy», — delingen Aqorda habarlamasynda.
Syrtqy ister mınıstrliginiń dereginshe, 2026 jyldyń maýsymynan bastap Ardaq Zebeshev mınıstrliktiń Investısıalar jónindegi komıtetiniń tóraǵasy qyzmetin atqarǵan.
Ardaq Zebeshev 1981 jyly Ońtústik Qazaqstan oblysynda dúnıege kelgen. 2003 jyly M. Áýezov atyndaǵy Ońtústik Qazaqstan memlekettik ýnıversıtetin «Halyqaralyq qatynastar» mamandyǵy boıynsha, al 2006 jyly Qaztutynýodaǵy Qaraǵandy ekonomıkalyq ýnıversıtetin «Ekonomıka» mamandyǵy boıynsha bitirgen. 2014 jyly «Bolashaq» baǵdarlamasy aıasynda London Kоróldik kolejinde «Memlekettik basqarý» mamandyǵy boıynsha oqýyn támamdap, 2019 jyly Ulybrıtanıadaǵy Ýorık bıznes mektebinde iskerlik ákimshiliktendirý magıstri (MVA) dárejesin aldy.
2003–2016 jyldary Ardaq Zebeshev Ońtústik Qazaqstan oblysy ákiminiń apparatynda, Aýyl sharýashylyǵy mınıstrliginde, Syrtqy ister mınıstrliginde jáne Qazaqstan Respýblıkasy Premer-mınıstriniń kanselárıasynda qyzmet etti.
2016–2019 jyldary ol «Samuryq-Qazyna» aksıonerlik qoǵamynyń qurylymdarynda basshylyq laýazymdar atqaryp, Aýyl sharýashylyǵy mınıstriniń jáne Qazaqstan Respýblıkasy Premer-mınıstriniń orynbasarynyń keńesshisi boldy.
2019–2024 jyldary Ardaq Zebeshev Qazaqstan Respýblıkasy Syrtqy ister mınıstrliginiń Investısıalar jónindegi komıtetinde basqarma basshysynan komıtet tóraǵasyna deıingi joldy júrip ótti.
2024 jyldan 2026 jyldyń maýsymyna deıin ol Qyzylorda oblysy ákiminiń orynbasary bolyp taǵaıyndalǵan edi.