2,5 mıllıonnan astam adam Argentına quramasyn 2026 jylǵy álem chempıonatyna qatystyrmaý týraly beıresmı petısıaǵa qol qoıdy, dep habarlaıdy infohub.kz saıty.
Qol jınaý úshin Halyqaralyq fýtbol federasıasyna (FIFA) nemese ulttyq federasıalarǵa qatysy joq jeke Argentina Out saıty quryldy. Jarıalanǵan kezde qoldar sany 2,5 mıllıonnan asty.
Ótinish avtorlary FIFA men tóreshilerdiń Argentına komandasynyń kapıtany Lıonel Messıge birjaqty qarap, onyń quramasyna mańyzdy kezdesýlerde artyqshylyq beretinin aıtady. Petısıa mátininde: «FIFA men tóreshiler Lıonel Messı men Argentınaǵa birjaqty qaraıtyny anyq. Jeńimpaz aldyn ala belgili bolsa, basqalardyń qatysýynyń qajeti ne? Argentınany álem chempıonatynan shettetip, qalǵandaryna adal múmkindik berińiz», - delingen.
Naýqannyń bastalýyna pleı-off machtaryndaǵy tórelikke qatysty daýlar sebep boldy. Argentınadan jeńilgennen keıin Egıpet pen Shveısarıa quramalary tóreshilerdiń sheshimderine narazylyq bildirdi. Egıpet fýtbol qaýymdastyǵynyń prezıdenti Hanı Ábý Rıda 1/8 fınal machyndaǵy epızodtardy, onyń ishinde esepten shyǵarylǵan gol men egıpet tarapynyń pikirinshe taǵaıyndalmaǵan penaltıdi tergeýdi talap etti.