
- 03 maý. 2015 00:00
- 396
Arystan býıvoldardan aǵashqa órmelep qutyldy
Masaı-mara qoryǵynda eki týrıs pen olardyń gıdi jaıylymdaǵy janýarlardy baqylaý barysynda qyzyqqa tap boldy. Ańdar patshasynyń sonshalyqty qorlanatynyn kim bilgen.
Arystan qasynda ata-anasy qaraılap júrgen jańa týylǵan torpaqty bas salmaqshy bolady. Ony kórgen býıvoldar lezde toıtarys berip, jyrtqyshty qorqytqandary sonshalyq, arystan ózi qurban bolmaı janyn saqtap qalý úshin aǵashqa órmelep qutylady.
Daily Mail foto avtorlarynyń aıtýy boıynsha, býıvoldar munymen qoımaı arystan ilingen aǵashty aınalshyqtap júrgen.
Tap sol kezde óziniń salmaǵynyń aýyrlyǵynan arystan aǵash dińinen tómenge jyljyp túse bastaıdy. Amaly qalmaǵan arystan tómenge sekirip butalarǵa qaraı enteleı jóneledi.
Býıvoldar bolsa jaıylymdaryn jalǵastyra beredi.