Armenıanyń eks-prezıdenti Robert Kocharán sot sheshimimen eki aıǵa qamaldy, dep habarlaıdy infohub.kz.
Armenıa Sybaılas jemqorlyqqa qarsy komıtetiniń baspasóz hatshysy Marına Ogandjanánnyń aıtýynsha, sot burynǵy memleket basshysyn qamaýǵa alý týraly sheshim qabyldaǵan. «Eki aıǵa qamaldy», — dedi ol Kocharán isi boıynsha sot sheshimi týraly suraqqa jaýap bere otyryp.
Sybaılas jemqorlyqqa qarsy komıtet eks-prezıdentke qyzmettik ókilettigin asyra paıdalandy, erekshe iri mólsherde aqshany jylystatty jáne erekshe iri mólsherde para aldy degen aıyp taqty.
Buǵan deıin Kocharán ustalyp, Sybaılas jemqorlyqqa qarsy komıtetke jetkizilgeni habarlanǵan bolatyn. Keıin onyń uly Sedrak ta eki aıǵa qamaldy. Sonymen qatar, is aıasynda komıtetke Armenıanyń úshinshi prezıdenti Serj Sargsán shaqyrylyp, oǵan da aıyp taǵyldy.
Sot otyrysynan keıin Robert Kocharándy aýrýhanaǵa alyp ketti.