Mańǵystaý oblysy, Qaraqıa aýdany,
Jetibaı aýyly, №4 orta mektebiniń
dene shynyqtyrý pániniń muǵalimi
Djarlgaeva Alıa Manasovna

Sabaqtyń taqyryby: Arqanǵa órmeleýdi úıretý, damytý
Sabaqtyń maqsaty:
Saýyqtyrý: oqýshylardyń densaýlyǵyn saqtaý men nyǵaıtý;
Bilimdik: dene tárbıesi bilimin meńgerý jáne onyń negizin quraıtyn qımyl - qozǵalys daǵdylaryn qalyptastyrý, jetildirý;
Tárbıelik: balanyń kúsh qýatyn, qımyl úılesimin, tózimdiligin tárbıeleý;
Kórneki qural: Arqan, kerme.

Sabaqtyń barysy:
I. Kirispe bólimi: 8 mınýt.
1. Sapqa turǵyzý. Raport qabyldaý.
2. Sabaqtyń maqsatymen tanystyrý.
3. Daıarlyq jattyǵýlardy jasatý:
- bulshyq etti jetildirýge arnalǵan barlyq jattyǵýlar.
- ıyq býyndaryn qozǵalysqa túsiretin qol qımyldary;
- usaq tastar men úıeńki jańǵaqtaryn (oń jáne sol qolmen) qashyqtyqqa laqtyrý ne nysanaǵa kózdeý;

II. Negizgi bólimi: 30 mınýt.
Arqanmen órmelegende qolmen aıaqtyń kúshin úılestire paıdalaný kerek. Ádette aıaqtyń kúshi az paıdalanylady.
Arqanmen órmeleýdiń negizgi eki tásili qoldanylady. Birinshisi - arqandy orap alyp, qoldy joǵarydan ustap órmeleý, ekinshisi - arqandy eki tizemen qysyp turyp, qoldy bosata berip joǵarydan ustap órmeleý.
Negizgi jattyǵýdy oryndamas buryn mynandaı daıyndyq jattyǵýlary oryndalady:
1. arqanǵa asylyp turyp terbelý;
2. arqanǵa asylyp turyp aıaqty aldyna soza joǵary kóterý;
3. asylyp turǵan qalypta aıaqtyń ushyn (aldyna soza joǵary kóterý) qolǵa tıgizý.
Órmeleý osy jattyǵýlardy oryndap bolǵannan keıin bastalady.

Kermede oryndalatyn jattyǵýlar:
1. Eki qolmen asylyp turyp terbelý.
2. Eki aıaqtyń qyltasymen asylý.
3. Bir aıaqty ilip alý arqyly kermege shyǵý jáne eki qolǵa taıanyp turý.
4. Kermege taıanyp turyp, aldyna aýdarylyp túsý.
5. Shalqadan jatyp, kermeden ustap tartylý.
6. Kúshpen tartylý.

III. Qorytyndy bólimi: 5 mınýt.
1. Baǵalaý.
2. Úıge tapsyrma: jalpy jattyǵýlardy oryndaý.
3. Denege túsken salmaqtyń kúshin joıýǵa arnalǵan jattyǵýlardy jasatý.