Sabaqtyń taqyryby: «Ásem ánge bıleımiz»
1 synyp
Maqsaty: oqýshylardy bı ónerimen tanystyrý, qımyl qozǵalysty úıretý, bı túrlerin ajyrata bilýin damytý.
Mindetteri:
1. Bilimdilik – bı túrlerimen tanystyrý, Dáýletkereı, Shara Jıenqulova týraly málimet berý, án úıretý, «Qosalqa» kúıin tyńdatý.
2. Damytýshylyq – oryndaý, eske saqtaý, tyńdaý, oılaý qabiletterin damytý.
3. Tárbıelik – dene qımyldarynyń áserligin kórsetip, mýzyka men bı úılesimdiligine tárbıeleý.
Sabaqtyń túri: jańa sabaqty meńgerý.
Sabaqtyń ádis - tásili: túsindirý, tyńdatý, suraq - jaýap.
Kórnekiligi: slaıd, ınterbelsendi taqta, sýretter, úntaspa, baıan aspaby.
Kútetin nátıjesi:
1. Bı yrǵaǵyn sezinip, bı qımyldaryn jasa alady.
2. Bı túrlerin ajyrata alady.
3. Ándi durys oryndaıdy, yrǵaǵyn qol soǵyp kórsetedi.

Sabaq barysy:
1. Uıymdastyrý kezeńi.
Marshqa júrgizý, mýzykalyq sálemdesý, túgeldeý, sabaqqa daıyndyǵyn tekserý.

2. Ótkendi tekserý. «Mýzyka sóıleıdi» taqyrybyna áńgimelesý, mysaldar keltirý. Ańyz - kúıdiń mazmunyn tekserý. «Dombyrasyz sán qaıda» ánin oryndaý.

3. Jańa sabaqqa daıyndyq. Mýzyka tyńdatý. ( «Kel, bıleıik» áni )
- Balalar, tyńdaǵan mýzykaǵa ne jasaýǵa bolady? (bıleýge)
- Kóńil kúıi qandaı? (kóńildi, kóterińki)
Ánniń yrǵaǵyna qol soǵyp kórsetý. Sabaqtyń taqyrybyn habarlaý.

4. Jańa materıaldy meńgerý.
Mýzykalardyń bir ádemi jáne barlyǵyna unaıtyn túri – bıleıtin mýzyka. Mýzykany tek oryndap án túrinde tanys bolsaq, endigi jerde mýzykamen bıleýge bolatyndyǵymen tanysamyz. Ár túrli mýzyka adamǵa túrli kóńil kúı syılaıdy. Ándi shalqyta aıtamyz, keıbir mýzykany tyńdap otyryp, oılanamyz. Sondaı - aq kóńildi mýzykaǵa bı bılegimiz kelip turady.
Bı – mýzyka yrǵaǵyna saı qımylmen beınelenetin óner túri. Bı óneri túrli yrǵaqta bolady. Asyqpaı bılenetin bı túrleri jáne tez nemese adymdap oryndalatyn bıler de bolady. Búgin biz bıdiń eki túrimen tanysamyz.
Váls – juptasyp bıleıtin bıdiń bir túri. Ony aınala bıleıdi. Válsti «Bı patshasy» dep esepteıdi.
Polka – kóńildi jáne tez bıleıtin bı túri. Kóbine ony jyldam mýzykamen oryndaıdy.
Interbelsendi taqtada váls jáne polka bılep júrgen toptardyń sýretteri, slaıdtar kórsetiledi.
Taqtada Shara Jıenqulovanyń portreti kórsetiledi.
- Balalar, senderge bul adam tanys pa? (Bıshi)
Shara Jıenqulova – qazaqtyń ataqty bıshisi. Almaty qalasynda dúnıege kelgen. Ol qazaqtyń bılerin sheber oryndaǵan.
Kúı tyńdatý. Dáýletkereı «Qosalqa».
- Bul án be, kúı me? (Kúı)
- Qandaı qımyl jasaýǵa bolady? (bı qımyldaryn).
Taqtada bılep jatqan qyzdyń beınesi kórsetiledi. Synyptaǵy qyzdar bı qımyldaryn jasaıdy.
Sýretke qarap áńgimelesý, oqýshylar sýrette sulý qyzdyń beınesin sıpattap beredi. (qyzdyn ádemi syrǵasy, bilezigi, alqasy qos ekenin aıtady).
Kúıdi taǵy da bir ret tyńdap, qos alqanyń syldyrlaǵan jerlerinde qol soǵyp kórsetedi.
Kompozıtormen tanystyrý. Dáýletkereı Shyǵaıuly – qazaqtyń kúıshi - kompozıtory. Qazirgi Oral jerinde dúnıege kelgen. Onyń «Qosalqa» kúıi halyqqa keń taraǵan, kúıde sulý qyzdyń beınesi, ádemi júrisi, alqanyń syldyry estiledi.

Sergitý sáti. Oqýshylar mýzykaǵa úıretilgen váls jáne polka qımyldaryn jasap bıleıdi.
Án úıretý. T. Taıbekov «Bıshi bolam óskende». Ánniń sózin jattap, áýenimen tanystyrý. Ándi kóńildi, oınaqy oryndaý. Ánniń yrǵaǵyna qol soǵyp, bı qımyldaryn jasatý.

5. Jańa sabaqty bekitý.
Interbelsendi taqtadaǵy sýretterge qarap bı túrlerin ajyrat (váls, polka)

6. Qorytyndylaý.
- Balalar, búgin qandaı óner túrimen tanystyq?
- Bı túrlerin atandar.
- Shara Jıenqulova kim?
- Dáýletkereı qandaı kúı jazdy? Ol kúıge ne isteýge bolady?
- Kóńildi ánge bıleýge bola ma?

Sabaqty «Bıshi bolam óskende» ánin oryndap aıaqtaımyz.