Amerıka Qurama Shtattarynyń jaǵalaý kúzeti Kýbaǵa baǵyttalǵan otyn tıelgen iri júk kemesin ustaǵanyn málimdedi. Bul týraly infohub.kz saıty habarlaıdy.
AQSH-tyń aral memleketine qarsy júrgizip otyrǵan munaı embargosy jalǵasyp jatqan kezde, «Grace» atalǵan keme 5 qyrkúıekte Kýba men Meksıka aralyǵyndaǵy Karıb teńizinde toqtatyldy. Jaǵalaý kúzetiniń málimdeýinshe, keme bılik organdarynan jaltarý tásilderin qoldanǵan. The New York Times basylymy kemeniń uzyndyǵy 91 metr (300 fýt) bolǵanyn jazdy.
«Grace» Kýbaǵa qaraı otyn tasymaldap bara jatqan jáne «qarańǵy flotqa» tán tásilderdi qoldanǵany boljaldy», — delingen Jaǵalaý kúzetiniń málimdemesinde.
Jaǵalaý kúzetiniń toby kemege minip, ony Meksıkaǵa deıin alyp bardy. Onda Meksıka áskerı-teńiz kúshteriniń tekserý toby «kemeniń balas sısternalarynda kóp mólsherde otyn bar ekenin rastady». Sondaı-aq kemede zańsyz otyn bolýy múmkin birneshe konteıner tasymaldanǵan, delingen málimdemede.
Tramp ákimshiligi Kýba úkimetin aýystyrýdy maqsat etetinin ashyq málimdep otyr. AQSh bıyl engizgen munaı blokadasy eldi qatty qyspaqqa aldy: ınfraqurylymnyń isten shyǵýy ýshyqtyrǵan otyn tapshylyǵy men elektr jaryǵynyń óshýine tap bolyp otyr.
Kýbanyń dástúrli jetkizýshileri — Venesýela men Meksıkadan keletin munaı jóneltilimderi AQSh qańtarda Venesýela prezıdenti Nıkolas Madýrony bılikten ketirgennen keıin kenet toqtady. AQSh Jaǵalaý kúzetiniń katerleri Kýba jaǵalaýyndaǵy sýlardy kúzetip júr, al sanksıalar men qaýip-qater tankerlerdi tipti teńizge shyǵýdan da bas tartqyzdy.
«Ashyq teńiz — zańsyzdyqtyń baspanasy emes. Zańsyz áreketterge barý úshin aldaý tásilderin qoldanatyn «qarańǵy flot» ókilderi ádildikten qutyla almaıdy», — dedi Jaǵalaý kúzetiniń qolbasshysy admıral Kevın Landeı.
Málimdemede bılik organdary otynnyń Kýbaǵa baǵyttalǵanyn qalaı bilgeni jáne «Grace» qansha otyn tasymaldaǵany aıtylmaǵan.