Memleket basshysynyń jarlyǵymen Asqarbek Ertaev Qazaqstan Respýblıkasynyń eńbek jáne halyqty áleýmettik qorǵaý mınıstri bolyp qala berdi, dep habarlaıdy infohub.kz saıty.
Eske salaıyq, bıylǵy jyldyń qańtarynda Qasym-Jomart Toqaev Asqarbek Ertaevty osy laýazymǵa taǵaıyndaý týraly jarlyqqa qol qoıǵan edi. Aqordanyń málimetinshe, sheneýnik óz qyzmetin saqtap qaldy.
Eńbek mınıstrligi saıtynyń derekterine sáıkes, Asqarbek Ertaev 1977 jyly Aqtóbe qalasynda dúnıege kelgen. Ol Q. Jubanov atyndaǵy Aqtóbe memlekettik ýnıversıtetin jáne «NUR» Aqtóbe menedjment, bıznes jáne quqyq ınstıtýtyn bitirgen.
Eńbek jolyn 1997 jyly Aqtóbe oblysy Muǵaljar aýdany ákimi apparatynyń mamany retinde bastaǵan. 2000 jyldan 2014 jylǵa deıin bank sektorynda jumys istegen.
2014 jyly QR Ekonomıka jáne búdjettik josparlaý mınıstrligi Saýda komıtetiniń bas sarapshysy mindetin atqarýshy boldy. 2014 jyldan 2021 jylǵa deıin QR Ulttyq ekonomıka mınıstrliginde bas sarapshy, basqarma basshysy, departament dırektorynyń orynbasary, departament dırektory qyzmetterin atqardy.
2021 jyldan 2022 jylǵa deıin QR Prezıdenti Ákimshiliginiń Qaýipsizdik keńesiniń analıtıkalyq bólimi sektorynyń meńgerýshisi boldy. 2022 jyldan 2023 jylǵa deıin — QR Premer-Mınıstri Keńsesiniń, QR Úkimeti Apparatynyń ekonomıkalyq bóliminiń meńgerýshisi.
2023 jyldan 2024 jylǵa deıin — QR Eńbek jáne halyqty áleýmettik qorǵaý mınıstrliginiń Kóshi-qon komıtetiniń tóraǵasy. 2024 jyldan 2025 jylǵa deıin — Qazaqstan Respýblıkasy eńbek jáne halyqty áleýmettik qorǵaý vıse-mınıstri. 2025 jyldan 2026 jylǵa deıin Qazaqstan Respýblıkasy eńbek jáne halyqty áleýmettik qorǵaý birinshi vıse-mınıstri qyzmetin atqardy.