Aqmola garnızonynyń áskerı soty bala týǵannan keıin turǵyn úı tólemi zańsyz toqtatylǵan áskerı qyzmetshiniń quqyǵyn qalpyna keltirdi, dep habarlaıdy infohub.kz.
QR Áskerı sotynyń resmı Telegram-arnasynda habarlanǵandaı, Aqmola garnızonynyń áskerı soty áskerı qyzmetshiniń áskerı bólimge qatysty aǵymdaǵy turǵyn úı tólemin toqtatý týraly sheshimdi zańsyz dep taný jáne ony alý quqyǵyn moıyndaý týraly talap aryzy boıynsha ákimshilik isti qarady.
Sot anyqtaǵandaı, talapker áskerı qyzmetshi bolyp tabylady jáne buryn turǵyn úı tólemin alyp kelgen. 2025 jylǵy 3 jeltoqsanda bala týǵannan keıin ol otbasy quramyn eskere otyryp, aǵymdaǵy turǵyn úı tólemin qaıta esepteý týraly raport bergen. Alaıda, áskerı bólimniń turǵyn úı komısıasynyń 2026 jylǵy 27 aqpandaǵy sheshimimen jáne áskerı bólim komandıriniń 2026 jylǵy 4 naýryzdaǵy buıryǵymen turǵyn úı tólemi múldem toqtatylǵan.
İs materıaldaryn zertteı kele, sot aǵymdaǵy turǵyn úı tólemin toqtatý negizsiz degen qorytyndyǵa keldi, óıtkeni sheshim qabyldaý kezinde talapkerdiń otbasy quramynyń ózgerýine jáne balanyń týylýyna baılanysty mán-jaılar eskerilmegen.
Sot sheshimimen aǵymdaǵy turǵyn úı tólemin alý quqyǵy moıyndaldy. Jaýapkerge balanyń týylýyn eskere otyryp, aǵymdaǵy turǵyn úı tólemin júrgizý mindeti júkteldi. Sondaı-aq, jaýapkerden memlekettik baj salyǵyn tóleý boıynsha sot shyǵyndary óndirildi.
İsti qaraý nátıjesinde talapkerdiń talap aryzy qanaǵattandyryldy.