Astana turǵyndary kólik keptelisine tap boldy: 2GIS servısiniń dereginshe, joldardyń júktemesi 10 balǵa jetken. Qala turǵyndary bul týraly áleýmettik jelilerde jappaı jazyp jatyr, dep habarlaıdy infohub.kz saıty.
Eń úlken keptelis týraly aqparat Astanovka98 Telegram-arnasynda paıda boldy. Arna jazylýshylary jaǵdaıdy belsendi talqylaýda: «Qar jaýsa nemese kóktaıǵaq bolsa, ne bolady», «Kim keldi?», «Negizinen keptelisti júrgizýdi bilmeıtinder jasaıdy».
10 baldyq keptelis týraly derekti 2GIS kartasy rastaıdy. Elordanyń sol jaǵalaýyndaǵy kósheler qyzyl túspen belgilengen. Sonymen qatar, kartada qalada birneshe jol-kólik oqıǵasy bolǵany kórinedi.
Keptelis pen JKO sebepterin túsindirýde júrgizýshiler: «Jabylý», «Keptelis, baǵdarshamdy alyp tastańdar», «Jóndeý jumystary» dep kórsetken.
Buǵan deıin Astana polısıasy qaladaǵy joldarda júrgizilip jatqan jóndeý jumystaryna baılanysty júrgizýshilerge úndeý jasaǵan. Onda jol jumystarynyń saldarynan qalada keptelis jıilegeni habarlandy. Osyǵan baılanysty qala turǵyndary men qonaqtaryn jaǵdaıdy túsinýshilikpen qabyldaýǵa, jol qozǵalysy erejelerin saqtaýǵa jáne joldarda janjaldy jaǵdaılarǵa jol bermeýge shaqyrdy.