Astana ákimdigi 2026-2030 jyldarǵa arnalǵan 300-den astam bilim grantyn elimizdiń joǵary oqý oryndaryna bóldi, dep habarlaıdy infohub.kz.
Qujattardy qabyldaý 5-10 tamyz aralyǵynda ótedi. Grantqa úmitkerler tıisti oqý ornynyń qabyldaý komısıasyna ótinish berýi qajet.
Granttar myna joǵary oqý oryndary men bilim baǵdarlamalary boıynsha bólindi:
L.N. Gýmılev atyndaǵy Eýrazıa ulttyq ýnıversıteti – kólik qyzmetteri.
A. Qusaıynov atyndaǵy Eýrazıa gýmanıtarlyq ınstıtýty – mektepke deıingi oqytý jáne tárbıe.
Halyqaralyq Astana ýnıversıteti – mektepke deıingi oqytý jáne tárbıe; bastaýysh oqytý pedagogıkasy men ádistemesi; fızıka, matematıka, ınformatıka, orys tili men ádebıeti, kórkem eńbek jáne syzý muǵalimderin daıarlaý; aqparattyq tehnologıalar.
Abaı atyndaǵy Qazaq ulttyq pedagogıkalyq ýnıversıteti – mektepke deıingi oqytý jáne tárbıe; bastaýysh oqytý pedagogıkasy men ádistemesi; ınformatıka, matematıka, fızıka muǵalimderin daıarlaý; aqparattyq tehnologıalar; arnaıy pedagogtar daıarlaý (defektolog, logoped, tıflopedagog, sýrdopedagog).
Esil University – ınformatıka jáne matematıka muǵalimderin daıarlaý; aqparattyq tehnologıalar.