Aqtóbe oblysynyń óndirýshileri Astanaǵa et, balyq, kókónis jáne basqa da ónimniń 200 tonnadan astamyn ákeledi — jármeńke 3 jáne 4 qazanda ótedi, dep habarlaıdy infohub.kz saıty.
Elorda ákimdiginiń málimetinshe, Aqtóbe oblysynan astanaǵa 200 tonnadan astam azyq-túlik jetkiziledi. Jármeńkege oblystyń 12 aýdany men Aqtóbe qalasynan 20-dan astam óndirýshi men óńdeýshi qatysady.
Jármeńkede et, sút ónimderi, kókónis, balyq, jumyrtqa, shujyq, un men makaron jáne taǵy basqa da ónimder satylady. Qatar Shyǵys Qazaqstan oblysynyń óndirýshileri de saýda jasaıdy. Olar 150 tonnadan astam ónim ákeledi.
«Elorda turǵyndary et, sút jáne balyq ónimderin, kókónis pen basqa da taýarlardy naryq baǵasynan 15–20 paıyz arzan ala alady. Jármeńkede ónimdi «Aıs+», «Agrofırma Taý», «Novo-Aldjanskı melkombınat», «Ramazan», «Aıbek» ÁKK, «Stepnoe», «Rokos», «Izet Grın Haýs», «Grınhaýs Kazahstan», «Global Master Grýpp» jáne óńirdiń basqa da kásiporyndary usynady», — dedi ákimdikte.
Jármeńke ıpodrom aýmaǵynda, Qarqaraly kóshesi, 1 mekenjaıy boıynsha ótedi. Ol tańǵy 7:00-den keshki 18:00-ge deıin jumys isteıdi.
Buǵan deıin Saýda jáne ıntegrasıa mınıstrligi jyl basynan beri áleýmettik mańyzy bar azyq-túlik baǵasy ótken jylǵy 7,9%-ben salystyrǵanda nebári 1,4%-ǵa óskenin habarlaǵan bolatyn.