Astanada 18 maýsymnan bastap 2026 jyldyń sońyna deıin Almaty kóshesiniń Aqmeshit kóshesinen Túrkistan kóshesine deıingi ýchaskesinde kólik qozǵalysy tolyǵymen jabylady. Bul týraly infohub.kz astana ákimdiginiń resmı saıtyna silteme jasap habarlaıdy.
Sonymen qatar, 20 shildeden 2026 jyldyń sońyna deıin Almaty kóshesiniń Aqmeshit kóshesinen Saýran kóshesine deıingi ýchaskesinde kólik qozǵalysy tolyǵymen jabylady.
Al Almaty kóshesiniń Saýran, Aqmeshit jáne Túrkistan kóshelerimen qıylystary ashyq qalady.
Mundaı shekteýler Almaty kóshesiniń Máńgilik El dańǵylynan Saýran kóshesine deıingi ýchaskesinde kólik tonneliniń qurylysyna baılanysty engizilip otyr.
Avtomobıl júrgizýshileri men jaıaý júrginshilerge jol júrý baǵdaryn aldyn ala josparlaý usynylady. Qaýipsizdikti qamtamasyz etý jáne qolaısyzdyqty azaıtý úshin atalǵan ýchaskelerde ýaqytsha jol belgileri men baǵyttaýyshtar ornatylady.