Astanada kontent túsirý úshin qala boıynsha atpen júrgen er adam ákimshilik jaýapkershilikke tartyldy, dep habarlaıdy infohub.kz saıty.
Polısıa departamentiniń málimetinshe, elordanyń 35 jastaǵy turǵyny qaladaǵy mekemelerdiń birine vıdeo túsirýge qatysqan. Ol atpen júrip, jaıaý júrginshilerge kedergi keltirgen.
Polısıanyń aıtýynsha, ol ári qaraı «Báıterek» monýmenti aýdanyna bet alǵanda, bir qıylysta janýar trotýardy lastap, kógaldardy zaqymdaǵan. Osylaısha, abattandyrý salasyndaǵy zań talaptary buzylǵan.
Eki quqyq buzýshylyq boıynsha da er adam ákimshilik jaýapkershilikke tartyldy.
Polısıa elorda turǵyndary men qonaqtaryn QR zańnamasynyń talaptaryn saqtaýǵa, aınalasyndaǵylardyń quqyqtaryn qurmetteýge jáne basqa jol qozǵalysyna qatysýshylar men jaıaý júrginshilerge qolaısyzdyq nemese qaýip tóndiretin áreketterge jol bermeýge shaqyrdy.