Astana halyqaralyq áýejaıy 2026 jyldyń shildesinde óz tarıhynda alǵash ret bir aıda bir mıllıonnan astam jolaýshyǵa qyzmet kórsetti. Bul — elordanyń áýe qaqpasy jumys istegen barlyq kezeńdegi eń joǵary kórsetkish, dep habarlaıdy infohub.kz.
Astana qalasynyń ınvestısıalar jáne kásipkerlikti damytý basqarmasynyń málimetinshe, jolaýshylar aǵynynyń ósýi marshrýttyq jeliniń keńeıýine, jańa halyqaralyq baǵyttardyń ashylýyna jáne qoldanystaǵy baǵyttar boıynsha reıs jıiliginiń artýyna baılanysty.
Bıyl Qazaqstan astanasynan Larnaka, Ulan-Batyr, Gýanchjoý, Erevan jáne Dalaman qalalaryna reıster ashyldy. Osynyń arqasynda halyqaralyq baǵyttar sany 42-den 47-ge deıin ósti. Sonymen qatar, áýejaı Qazaqstan boıynsha 18 ishki baǵytqa qyzmet kórsetedi.
Áýejaıda ushý geografıasynyń keńeıýi Astananyń týrısik jáne iskerlik ortalyq retinde belsendi ilgeriletilýimen qatar júretinin atap ótedi. Astana Tourism týrızmdi damytý ortalyǵy halyqaralyq kórmeler men is-sharalarǵa qatysyp, elordanyń týrısik áleýetiniń tusaýkeserlerin ótkizedi jáne sheteldik týrızm salasy ókilderimen yntymaqtastyqty damytady.
Habarlamada jańa tikeleı reıster Astananyń kóliktik qoljetimdiligin arttyryp, kiris týrızmniń ósýine qosymsha múmkindikter jasaýy tıis ekendigi de atap ótilgen.
Buǵan deıin Astana halyqaralyq áýejaıynyń basqarma músheleri 2025 jyldyń qorytyndysy boıynsha jalaqy men syıaqy túrinde 146 mıllıon teńge alǵany, bul ótken jylmen salystyrǵanda 34 paıyzǵa kóp ekendigi habarlanǵan bolatyn. Jyl sońynda qala ákimdigi BAÁ-niń Terminals Holding kompanıasymen áýejaıdy basqarý týraly kelisimdi buzǵan edi. Ákim Jeńis Qasymbektiń aıtýynsha, áýe qaqpasy odan ári jańǵyrtýdy qajet etedi, al burynǵy ınvestor qajetti qarjylandyrýdy qamtamasyz ete almaǵan.